Криштиану Роналдунинг "Бавария"га қарши статистикаси
14 апр 2018 09:05
Янгиликлар

Криштиану Роналдунинг "Бавария"га қарши статистикаси

Хабарингиз бор, кеча Чемпионлар Лигаси ярим финалига қуръа ташланди ва "Бавария" финал йўлланмаси учун "Реал Мадрид" билан курашиши маълум бўлди.

Аксарият мухлислар бу жуфтликни финалда тўқнаш келишини таҳмин қилишганди, аммо қолганлар ичида фаворит дейилганлар ярим финалдаёқ ўзаро куч синашадиган бўлишди.

Шу ўринда таъкидлаш лозим, мусобақанинг амалдаги ғолиби Мадриднинг "Реал" клуби етакчиси Криштиану Роналду "Бавария"ни "яхши кўради".

Сўнги бор ушбу жамоалар Европа Чемпионлар Лигаси 1/4 финал босқичида рўбаро келишган ва ўшанда "Қироллик клуби" меҳмонда ҳам, ўз майдонида ҳам зафар қучиб (икки ўйин натижасига кўра 6:3 ҳисобида), кейинги босқичга йўл олганди. Ёдингизда бўлса керак, ўша ғалабага Криштиану Роналду ҳам катта хисса қўшган.

Умуман олганда португалиялик форвард "Бавария"га қарши ўйинларда 6 бор майдонга тушган ва 9 бор рақиб дарвозасини ишғол қилган.

Бу сафар воқеалар ривожи қандай тус олади?