Klopp: "Oltin o'yin"ni "Manchester Siti" bilan o'ynash ajoyib bo'lardi"

3 may 2019, 21:40

"Liverpul" bosh murabbiyi Yurgen Klopp APLda "Oltin o'yin" o'tkazilsa ajoyib bo'lishini aytib o'tdi.

APLda ikkala klubning ochkolari va to'plar nisbati bir xil bo'lib qolganida qo'shimcha uchrashuv o'tkazish kerak bo'ladi.

"Buning iloji bormi? To'g'risini aytsam, bu haqda o'ylab ko'rmagan ekanman. "Manchester Siti" bilan "Oltin o'yin"da harakat qilish ajoyib bo'lardi. Shunday bo'lsa ham, buning iloji bor deb o'ylamayman", - deya Kloppning so'zlarini keltiradi Mirror nashri.

36 tur dan so'ng, "Manchester Siti" 92 ochko bilan APL turnir jadvalida peshqadamlik qilmoqda. "Shaxarliklar"da to'plar nisbati 90-22ni tashkil etmoqda. "Liverpul" (91) jamoasi esa ikkinchi o'rinda, to'plar farqi 84-20.

Keyingi turda "Siti" "Lester" bilan 6 may kuni o'ynaydi, "Liverpul"ni ertaga "Nyukasl" maydonidagi bahs kutib turibdi.