Клопп жаҳоннинг энг бақувват футболчисининг хоҳишини бир зумда амалга оширди
14 июл 2020 21:15
Янгиликлар

Клопп жаҳоннинг энг бақувват футболчисининг хоҳишини бир зумда амалга оширди

Англия Лига 1 плей-офф финалида “Уиком Уондерерс” “Оксфорд Юнайтед” устидан ғалабага (2:1) эришиб, 133 йиллик тарихида илк бор Чемпионшипга йўлланмани қўлга киритди.

Ғолиб жамоа сафида жаҳоннинг энг бақувват футболчиларидан бири Адебайо Акинфенва ҳаракат қилади ва у мерсисайдликларнинг ашаддий мухлиси ҳисобланади. 38 ёшли англиялик учрашувдан кейинги интервьюсида “қизиллар” устози WhatsApp мессенжери орқали уни табрикласа, хурсанд бўлишини айтган эди.

Кўп ўтмай Клопп Акинфенванинг ниятини амалга оширди ва унга видеотабрик жўнатди.

“Ишонмайман. Афсона менга WhatsApp орқали хабар юборди. Бугунги куним бунданда яхши бўлмайди. Раҳмат сенга, Клопп. Биз буни уддаладик”, дея қайд этган Акинфенва.