Клопп Чемпионлар лигасида қайси клуб фаворит эканлигини айтди

"Тўғрисини айтадиган бўлсам, бу босқичда иккита клуб бизга қарши ўйнашини хоҳламадим. Биринчиси - "Боруссия". Агар кейинроқ тўқнаш келсак, бу иккала клуб учун ҳам яхши бўлади. Иккинчиси эса - "Ювентус", чунки улар мен учун турнирнинг асосий фаворитлари. Уларда катта тажриба бор. Футболчиларнинг ёшини ҳисобга олсак, бу Турин клуби ҳимоячилари учун сўнгги имкониятдек тасаввур уйғонади. Бу йил "Ювентус"ни мағлуб этиш жуда қийин бўлади.

Бошқа жамоалар билан ҳеч қандай муаммо йўқ, бизга "Бавария" тушди. Бу мухлисларимиз учун яхши қуръа деб ўйлайман. Бир йил аввал улар билан мавсумолди йиғинда тўқнаш келгандик. Ўтган сафар ливерпуллик мухлислар кам эди, бироқ бу сафар кўплаб ишқибозлар Германияга учса керак. У ер жуда ажойиб" - дейди Клопп.