Клопп: “2:3 дан кейин ўзимизга келолмадик”
22 фев 2023 09:35
Янгиликлар

Клопп: “2:3 дан кейин ўзимизга келолмадик”

Чемпионлар Лигаси 1/8 финалида “Реал”га учралган 2:5 ҳисобидаги мағлубиятдан кейин “Ливерпуль” устози Юрген Клопп ўз фикрлари билан бўлишди.

“Бошланиши қойилмақом бўлди. Бу идеал эди, айнан шундай ўйнашни хоҳладик. Умумий олганда илк тайм ўтказиб юборган голларимиздан ташқари яхши ўтди.
Биринчи ўтказилган гол – бироз пассивлашдик, уларни таъқиб қилмай қўйдик. Иккинчи гол – бу кулгили. Бундай бўлмаслиги керак, аммо бу содир бўлиши мумкин, 2:2.
Кейин эса ҳисоб 2:3 га етди, бу қарши ҳужумларда ёрқин ҳаракат қиладиган жамоа билан баҳсда у қадар яхши эмас. Кейин эса ўзимизга кела олмадик.
Бутун 95 дақиқани биринчи бўлимдагидек ўйнаш керак эди, лекин импульсни қайтариш лозим эди. Ҳисоб 2:3 бўлганида эса бари аксинча кўриниш олди. Учинчи голдаги бош жойнинг кўплигига ақл бовар қилмайди, аммо бунга йўл қўйилди.
Мадридга борамиз ва футбол ўйнаймиз. Бу жиддий чақирув бўлади. Бироқ, биринчи навбатда АПЛда ўйнашимиз ва мазкур учрашувдан сабоқ олганмизга ишонч ҳосил қилишимиз лозим”, дейди мерсисайдликлар устози.

Эслатиб ўтамиз, Мадриддаги жавоб баҳси 15 мартга белгиланган.

Ҳавола :

Манба : BBC Sport`

Янгиликларни Телеграмда ўқинг!

Рейтинг: +7