"Мени "Ливерпуль"нинг ЕЧЛдаги иштироки эмас, балки АПЛдаги ҳолати кўпроқ ташвишга соляпти. Премьер-лигадаги асосий учта тўсиқ — бу стандарт вазиятлар, тўпни аутдан узоққа ташлаш ва қарши ҳужумлардир. "Ливерпуль" эса бу факторларга ва рақибларнинг "паст блок" (зич ҳимоя) бўлиб ўйнашига қарши ҳеч нарса қила олмаяпти.
Биз АПЛ учун мос бўлмаган жамоани кўряпмиз. Еврокубокларда аутлар ёки стандартлар АПЛдагидек катта аҳамиятга эгами? Йўқ. У ерда ҳеч ким зич ҳимояга ётиб олмайди, бу эса "Ливерпуль"га қўл келади.
Улар "Реал Мадрид"ни ютиши, сафарда "Интер" ёки "Марсель"ни мағлуб этиб, плей-оффга чиқиши мумкин. Аммо мен бу жамоани Премьер-лигага тайёр деб ҳисобламайман", — деди Каррагер "Sky Sports" эфирида.
