"Келишилган ўйинларга мутлақо қаршимиз" — "Машъал" клуби

"Пролиганинг якунига етган мавсумида "Машъал" жуда кўп омадсиз баҳсларни ўтказди. Дастлаб чемпионатда етакчилик ва пешқадамлик қилди. Аммо иккинчи даврада бунинг мутлақо акси бўлди. Жамоа бундай қатор мағлубиятлар гирдобида қолаётганидан эса клубнинг масъуллари шубҳаланишди.  

Воқеалар ривожи қандай тус олгани эса бугун барчага маълум. Сирожиддиин Раҳматуллаев ва Никита Павленко бир йил катта футбол ҳавосидан маҳрум қилинди. Равшан Ягудин ва Достон Тўхтабоев жамоадошларининг қилаётган ишини сир тутгани туфайли сўнгги огоҳлантиришни олди. 

"Машъал" мағлубиятларни эмас, катта мавсум ва чиройли ғалабаларни хоҳлайди. Юқоридаги холатларни айнан клуб рахбарияти ва мураббийлар штаби саъй-харакати билан очиқланишига эришилди. Кейинги мавсумда жамоанинг ҳар-бир катта ва кичик аъзоси қатъий назорат остида бўлади.

Биз келишилган ўйинларга мутлақо қаршимиз ва биз халол ўйин тарафдоримиз", – дейилади муборакликлар баёнотида. 

Худоёрхон Сагдуллаев: "Машъал"да ички муҳит бузилгани учун Суперлигага чиқа олмадик"