Кеча Жалолиддиновни танқид қилган Дмитрий Селюк энди Ўруновга "тош отди"

"Ақлингиз жойидами?! Ўрунов учун 3,5 миллион?! "Навбаҳор"да 51та ўйинда 3та гол, "Локомотив"да ярим йилда битта гол, "Уфа"да 10та ўйин 0 гол. Йил аҳмоғи бўлиш учун кураш кечмоқдами? Испания кўчаларида бундай футболчилар бир боғлами 15 тийин туради. "Уфа"даги 70 фоиз Газизов ўзи ҳақида билдирмоқда. Бундан бошлаш уятли.

Бенито ҳам Тошкентнинг "Локомотив" клубида ўйнаган. Фақат у бепул келган. "Тамбов"даги илк ўйинида "Зенит"га гол урганди. Ўрунов 10та ўйинда умуман гол ура олмади. 3,5 миллион?! Шунчаки аҳмоқлар", - деб ёзади Дмитрий Селюк твиттердаги ўз саҳифасида.

Эслатиб ўтамиз, Селюк бир кун олдин Жасур Жалолиддинов ҳақида кескин фикрлар билдирганди.