Дмитрий Селюк: "Жалолиддинов учун бериладиган 1 миллионни икки киши бўлишиб олган шекилли"

"Кикнадзенинг ("Локомотив" бош директори) навбатдаги хатоси. Белоус уни аҳмоқ қилди. 1,7 метр бўйли, озғингина, курашларга асосланган лигада ҳеч қачон ўйнай олмайди. У (Жасур Жалолиддинов) Яқин Шарқ ёки Осиёга бориши керак. Илтимос Белоуснинг тарафкашлари уни Месси билан таққосламанг. Ҳеч кимни хафа қилмоқчи эмасман, лекин "Пахтакор" - "Бунёдкор" (5:0) учрашувини томоша қилсангиз, кучлироқ рақибга қарши баҳсда бу мўжизакор-футболчи умуман кўринмаганини тушуниш мумкин. Унинг учун 1 миллион тўлашга тайёрлар. Менимча, Кикнадзе ва Белоус пулни бўлишиб олишган", - деб ёзади Дмитрий Селюк твиттердаги ўз саҳифасида.

Маълумот учун, Селюк кўплаб украиналик футболчиларнинг агенти. Унинг энг машҳур мижози Яя Туре бўлганди. Селюк анчадан буён Кикнадзе билан яхши муносабатда эмас.