Карвахаль: "Агар "Сантьяго Бернабеу"да Пикега хуштак чалишаётган бўлишса, ҳаммамизга чалишади"
30 авг 2017 13:25
Янгиликлар

Карвахаль: "Агар "Сантьяго Бернабеу"да Пикега хуштак чалишаётган бўлишса, ҳаммамизга чалишади"

"Реал" ва Испания терма жамоаси ҳимоячиси Даниэль Карвахаль "Сантьяго Бернабеу"га келадиган мухлисларни Испания термасидаги жамоадоши Херард Пикега хуштак чалмасликка чақирди.

Испания терма жамоаси "Реал" аренасида 2 сентябрь куни Италияга қарши ЖЧ-2018 саралаш учрашувини ўтказади.

"Мухлислардан Пикега хуштак чалмасликни сўраган бўлардим. Агар "Сантьяго Бернабеу"да Пикега хуштак чалишса, демак барчамизга чалишади. Аммо бу нарса Пикенинг ўйинига таъсир қилади деб ўйламайман" - дейди Карвахаль.

Пике сўнгги йилларда "Реал" ишқибозларининг душманига айланиб қолган. Бунга футболчининг ижтимоий тармоқлардаги кесатишлари сабаб бўлган.

Ҳавола :

Манба : AS

Янгиликларни Телеграмда ўқинг!

Рейтинг: +9