Кафунинг ўғли футбол ўйнаётганда ҳаётдан кўз юмди
05 сен 2019 17:04
Янгиликлар

Кафунинг ўғли футбол ўйнаётганда ҳаётдан кўз юмди

Теглар : Кафу

Икки карра жаҳон чемпиони Кафунинг уйида бахтсиз ҳодиса рўй берди.

Футболчининг ўғли Данило дўстлари билан футбол ўйнаётганда юрак ҳуружидан вафот этди. 29 ёшли ўғилнинг ўлими Баруэрада кечки пайт содир бўлган.

У тезда шифохонага етказилган, аммо унинг юраги йўлдаёқ тўхтаб бўлганди. Данилонинг ўлими ҳақида Кафунинг дўсти ва Бразилия терма жамоасининг собиқ аъзоси Пауло Сержио хабар берган.

Эслатиб ўтамиз, Кафу икки карра жаҳон чемпиони саналади. У Бразилия терма жамоаси таркибида 1994-2002 йиллар давомида ўйнаган.

Кафу жаҳон чемпионатининг учта финалида кетма-кет ўйнаган (1994, 1998, 2002) биринчи ва ягона футболчи саналади.