Жонибек Кўчимов: "Зомин"га фақат омад етишмади"

- Жонибек, бугунги учрашувда меҳмонлар сафида энг яхши ўйинчи деб топилганлигингиз билан табриклаймиз. Ўйин ҳақидаги фикларингиз...
- Учрашув қийин бўлди. Биз бугун фақат ғалаба учун майдонга тушгандик. Бунинг боиси агар бугунги ўйинда ғалаба қозонсак, ПРО-Лига “В” гуруҳида биринчи ўринга кўтарилиб олишимиз мумкин эди. Бугунги ўйинда бизга фақат ва фақат омад етишмади деб ўйлайман. Жамоамиз ёмон ўйин кўрсатмади. Учрашувда бир неча марта гол бўлиши керак бўлган ҳолатларда тўп рақиб дарвозасига киришни хоҳламади.  

- Келажакдаги режаларингиз ҳақида гапириб ўтсангиз...
- Келажакдаги режаларим – бугунги кунда янгича ёндашув асосида янада чирой очиб бораётган Суперлига клубларида ўйнаш. Шунингдек ўз устимда мунтазам ишлаб, ўйинларимни янада кучайтириб, Ўзбекистон миллий терма жамоаси сафида тўп тепиш режаларим бор.  

Бекзод Толибов ёзиб олди.