“Женоа” собиқ спорт директори: “Левандовски деярли жамоамизда эди”

“Ўшанда Роберт “Лех”да тўп тепарди. Жан Пьеро Гасперини унинг имкониятларини яхши биларди. Роберт фақат жамоага келиб тиббий кўрикдан ўтиши керак ва барча масалалар ҳал этилганди. Аммо ўша пайтда клуб президенти ушбу келишувни яна бир бор ўйлаб кўришни истади ва шу билан бу трансфер амалга ошмай қолди”, дея Капоззукининг сўзларидан иқтибос келтирмоқда Radio Sportiva.

Эслатиб ўтамиз, Левандовски 2010 йилда “Лех” жамоасидан Дортмунднинг “Боруссия”сига кўчиб ўтганди. Дортмундликлар сафида футболчи икки марта Германия чемпионлигига эришди ва 2014 йили Мюнхенга трансфер қилинди. “Бавария” таркибида полшалик ҳужумчи беш марта мамлакат чемпионатининг олтин медалларига сазовор бўлди.