ЖЧ-2018 саралаши. Ўзбекистон 3-босқичга ва Осиё Кубоги-2019га йўлланма олди!
29 мар 2016 15:52
Янгиликлар

ЖЧ-2018 саралаши. Ўзбекистон 3-босқичга ва Осиё Кубоги-2019га йўлланма олди!

Теглар : Ўзбекистон МТЖ ЖЧ-2018

Бугун Ўзбекистон терма жамоаси Баҳрайнга қарши ўйнайди.

Учрашув бошланмай туриб Ўзбекистон терма жамоаси 3-саралаш босқичига чиққани маълум бўлди.

Бунга Австралия терма жамоасининг ўз майдонида Иорданияни мағлуб этгани сабаб бўлди. Энди Ўзбекистон бугун Баҳрайнга ютқазса ҳам камида гуруҳда иккинчи ўринни олади ва иккинчи ўринни олган энг яхши тўрт жамоадан бири бўлади.

Шундай қилиб, Ўзбекистон терма жамоаси ўз тарихида олтинчи бор Жаҳон чемпионати саралаши охирги гуруҳ босқичига йўлланма олди. Учинчи босқич ўйинларига 12 апрель куни қуръа ташланади. Унда Осиёнинг энг кучли 12 жамоаси икки гуруҳга бўлинган ҳолда кураш олиб боради. Ўйинлар шу йилнинг сентябрь ойида бошланади.

Бундан ташқари терма жамоамиз ўз тарихида кетма-кет еттинчи бор Осиё Кубогига йўлланмани қўлга киритди. Ҳозиргача 2019 йилда БААда бўлиб ўтадиган қитъа чемпионатига қуйидаги жамоалар йўлланма олишди: БАА (мезбон), Қатар, Жанубий Корея, Япония, Таиланд, Саудия Арабистони, Австралия, Ўзбекистон, Сурия.

Ҳавола :

Манба : championat.asia

Янгиликларни Телеграмда ўқинг!

Рейтинг: +33