UZ

Сўнгги янгиликлар

01:39ЖЧ-2026 саралаши. Норвегиядан 11:1, Холанддан 5та гол, Англиядан йирик, Португалиядан иродали ғалаба  2 01:15АПЛда ким чемпион бўлади? "CIES" тахмин қилиб кўрди  0 00:44"Фенербаҳче" Моуриньюдан кейинги бош мураббийини эълон қилди  1 00:14Холанд термадаги 45-ўйинида 44-голини урди  3 23:49Халқаро ўртоқлик турнири. Ўзбекистон U-17 Марокашга мағлуб бўлди  12 23:24Меньяннинг "Челси"га ўтмагани сабаби маълум бўлди  1 22:27Футзал. Ўзбекистон терма жамоаси йиғинга киришди. Олдинда Япония билан ўйин бор  3 21:36"Динамо" назорат учрашувида "Локомотив"ни ютди  2 21:13U-23 Осиё Кубоги саралаш босқичи. Қирғизистон Шри-Ланкани йирик ҳисобда енгди ва гуруҳда биринчи бўлди  20 20:19Владо Радманович: "Афсуски, Катанецнинг ҳозирги ҳолати яхши эмас"  29 19:59Кроос: "Германия ҳозирда катта ютуқларга эриша оладиган терма жамоалар қаторида эмас"  1 19:33Остон Ўруновдан рекорд!  9 19:05Алиризо Жаҳонбахш: "Ҳакамлик ҳақида ҳеч нима демайман"  21 18:38"Арсенал" МЮ кўзлаган футболчи учун курашда фаворит  2 18:17Мустақиллик Кубоги-2025 "Uz-Galaxy"да!  2

Жавлон Иброҳимов: "Бунёдкор"даги ютуқларни “Навбаҳор”да ҳам такрорлаш ниятидаман" Янгиликлар

Жавлон Иброҳимов: "Бунёдкор"даги ютуқларни “Навбаҳор”да ҳам такрорлаш ниятидаман"

Тажрибали ярим ҳимоячи Жавлон Иброҳимов Наманганнинг “Навбаҳор” жамоаси билан шартнома имзолади.

Шундан сўнг, ундан клубимиз расмий веб-сайти учун қисқача интервью олдик.

- Жавлон, “Навбаҳор”га хуш келибсиз! Сизни жамоага ким таклиф қилди?

- “Навбаҳор” клуби вице-президенти Ойбек Арифович Саматов менга таклиф билан чиқдилар. Улар билан суҳбатлашганимда, жамоанинг олдига янги мавсумда юксак мақсадлар қўйилаётганлигини таъкидладилар. Наманганга келганимдан сўнг, Наманган вилоят ҳокими Хайрулло Ҳайитбаевич Бозоров, Наманган шаҳар ҳокими Шавкат Шокиржанович Абдураззоқов билан кўришиб, суҳбатлашдим. Улар ҳам бу йил “Навбаҳор” Осиё Чемпионлар Лигаси йўлланмасини қўлга киритиш учун кураш олиб бориши, шу мақсадда таркиб кучайтирилаётганлигини айтишди. Вилоят ва клуб раҳбарлари томонидан жамоага катта эътибор қаратилаётганлиги, мақсад улканлигини инобатга олган ҳолда, “Навбаҳор” билан шартнома имзолашга қарор қилдим. Худо хоҳласа, янги мавсумда “Навбаҳор”нинг ғалабаларига ўзимнинг муносиб ҳиссамни қўшаман, деган умиддаман.

- Жамоанинг Туркиядаги йиғинига қачон қўшиласиз?

- “Навбаҳор”нинг Туркиядаги йиғинига эртага қўшиламан. Эртага эрта тонгда Туркияга самолётда парвоз қиламан.

- Футболга қай тарзда кириб келгансиз?

- Футболчи бўлишимда дадам ва тўнғич акамнинг ҳиссалари катта. Улар менинг футболга қизиқишимни кўриб, қўллаб-қувватлашган. Шу даражага етишимда уларнинг уларнинг улкан меҳнатлари самараси ётибди. Фурсатдан фойданиб, отам ҳамда акамга ўз миннатдорчилигимни билдираман. Футболдаги илк сабоқларни эса “Чиғатой” футбол мактабида олганман.



- Таъкидлаганингиздек, “Навбаҳор”нинг олдига бу йилги чемпионатда ОЧЛ йўлланмасини қўлга киритиш вазифаси қўйилмоқда ва таркиб ҳам шунга яраша кучайтирилмоқда. “Бунёдкор” сафида кўплаб ютуқларга эришгансиз ҳамда совринларни ютиш борасида анча тажрибалисиз. Янги жамоангизда ушбу тажрибангиз асқотса керак?

- Бўлмасам-чи! Ўзингизга маълум, футболчилик фаолиятимнинг кўп қисми “Бунёдкор”да ўтган. Мазкур клуб таркибида кўплаб ютуқларга эришганман, жумладан, Ўзбекистон чемпиони ва вице-чемпиони бўлганман, Ўзбекистон кубоги ҳамда суперкубогини қўлга киритганман, шунингдек, Осиё Чемпионлар Лигасида ўйнаганман.

“Навбаҳор”га ҳам ушбу ниятда, яъни совринларни ютиш учун келдим. “Бунёдкор”даги ютуқларни “Навбаҳор”да ҳам такрорлаш ниятидаман. Буни амалга ошириш учун барча жамоадошларим билан бир ёқадан бош чиқариб, бир тан, бир жон бўлиб, чемпионликни қўлга киритиш учун кураш олиб борамиз.

- Мухлисларга қандай тилакларингиз бор?

- Наманган футболсеварлар вилояти ва бу ерда миллионлар ўйинига қизиқиш кучлилигини жуда яхши биламан. “Навбаҳор” мухлисларидан жамоамизни янги мавсумда ҳам муносиб тарзда қўллаб-қувватлашларини сўрайман. Биз эса уларнинг ишончларини оқлаш, қувонч улашишга ҳаракат қиламиз.

“Навбаҳор” ПФК матбуот хизмати.

Рейтинг: +18   

Фикрлар

championat.asia
< сўнгги янгиликларни кўриш
Яндекс.Метрика