Жамшид Ҳасанов: "Вазиятлардан фойдалана олмасак "Металлург" билан ўйинда ҳам қийналамиз"

"Бухоро" билан кечган учрашув ва олдинда кутаётган бекободликлар билан баҳс ҳақида "бургутлар"нинг тажрибали футболчиси Жамшид Ҳасанов фикрлари билан ўртоқлашди. 

"Ўтган учрашув ҳақида оддий фикр билдиришим мумкин. Ўзимиз яратган вазиятлардан фойдалана олмадик. Футболда сен урмасанг, сенга уришади деган бежиз айтилмайди. Ҳа, "Андижон"да 11 метрлик нуқтадан зарбаларни ўзим йўллаяпман. Штатли пенальтичи сифатида қачон тайинландим? Қўқонда бундай имконият бўлмаган. Чунки, у ерда пенальтилар қироли бор. "Машъал"да тўп тепиб юрган пайтларимда пенальтиларни кўпроқ ман тепардим. Бундай вазиятда сиз дарвозабон билан бирга-бир ҳолатда қоласиз. Устунлик кўпроқ зарба бераётган футболчида бўлади. "Металлург" билан ўйинда вазиятлардан фойдалана олмасак ўзимизга қийин бўлади. Бошқа томондан ўз майдонимизда ҳаракат қилиш бизга қўшимча устунлик беради деб ўйлайман. Афсуски, карантин туфайли учрашув мухлисларсиз ўтказилади. Лекин, ҳозирча шунга мажбурмиз",- дейди Жамшид Ҳасанов.

Эслатиб ўтамиз маҳоратли ярим ҳимоячи ортда қолган 4 турда рақиблар дарвозасини 3 маротаба пенальтидан аниқ нишонга олди. 

Жамшид Ҳасанов "Қўқон-1912" либосида "Андижон"га қарши.