“Истанбул” футболчилари захира ҳакамининг ирқчилик ҳаракати туфайли ПСЖга қарши баҳсни давом эттиришни хоҳламагани маълум қилинди

“Ёрдамчи мураббийимиз Пьер Вебо 4-ҳакам томонидан ирқчилик ҳаракати қурбони бўлганлиги сабабдан ўйинчиларимиз майдонга қайтишдан бош тортди”, — дейди “Истанбул” клуби баёнотида.

Эслатиб ўтамиз, ПСЖ—“Истанбул” баҳси 1-бўлимда захира ҳаками Себастиан Кольцескуннинг “негру” (румин тилидан таржима қилинганда қора маъносини беради) сўзини ишлатгани сабаб катта можаро келиб чиқди ва ўйин тўхтатилди. Бош ҳакам Овидиу Хацеган захира ҳакамидан “Истанбул” мураббийлар штабидан кимни четлатиш ҳақида сўраганида у “негру” деб жавоб берган.

Шундан сўнг ўйин тўхтатилди. Орадан 10 дақиқа ўтиб “Истанбул” футболчилари кийим алмаштириш хонасига йўл олди. Кейин ПСЖ футболчилари ҳам шу йўлни танлади.

ВИДЕО. ПСЖ - "Истанбул" учрашуви тўхтатилди