Отабек Шукуров: "Йиғин бошлангандан кейин 4 кун мобайнида мураббийлар Мисрнинг қандай ўйнашини уқтириб борди"

- Ютиб олдик, финалга чиқдик. Миср яхши терма жамоа, шунга яраша яхши ўйнадик. Бундай ўйинлар биз учун жаҳон чемпионати олдидан яхши тайёргарликни ўтаб беради. Африка ва бошқа қитъа вакиллари билан кўпроқ баҳслар ўтказишимиз керак. Чунки жаҳон чемпионатида кимлар тушиши номаълум. Шу сабабли уларни ҳис қилиб олишимиз учун яхши рақиб бўлди. Мухлисларни хурсанд қилдик деб ўйлайман. Эронга қарши финалда ўйнаймиз. Яна чемпион бўлишга ҳаракат қиламиз.

- Бундай кучли жамоаларга қарши иккинчи планда ўйнардик, бугун эса биринчи планда бўлдик. Бизда ҳам кўплаб вазиятлар бўлди? Бундай рақибга қарши ҳужумда ўйнаш учун ўзларингизни қандай тайёрладинглар? Мураббийларнинг кўрсатмалари қандай бўлди?

- Йиғин бошлангандан кейин 4 кун мобайнида мураббийлар Мисрнинг қандай ўйнашини уқтириб борди. Урган голларимиз ҳам мураббийларнинг иши. Мураббийлар бизга рақибни қандай ёпишимиз, прессинг қилишимиз, дарвозабон билан бирга-бир ҳолатга чиқиб кетишимиз борасида бир қанча вариантлар беришди. Оз бўлса ҳам буни амалга оширдик деб ўйлайман. Шуни ҳисобига ғалаба қозондик.

- Ҳакамлар финалда Эрон ва Мисрни ўйнатгиси келгандек бўлди.

- Бизга ҳам шундай туюлди. Ҳакам кўпроқ рақибларга симпатияда бўлиб турди. Шунга қарамай Аллоҳ бизга ғалаба берди.