Инзаги 5та ғалабали сериядан сўнг: "Интер" ҳар бир турнирда ғолиб чиқмоқчи"
07 май 2023 00:45
Янгиликлар

Инзаги 5та ғалабали сериядан сўнг: "Интер" ҳар бир турнирда ғолиб чиқмоқчи"

Симоне Инзаги зич тақвим бўлишига қарамай "Интер"ни муваффақиятли ўйини учун мақтади.

Миланликлар бугун "Рома"ни 2:0 ҳисобида таслим этишди.

"Биз шундай ўйинни кутгандик. Кучли жамоага қарши қийин ўйин бўлди.

1 апрелдан бери тинмаётган футболчиларимизни бағримизга босиб қўйишимиз керак. Катта куч сарфлаяпмиз, чунки биз "Интер"миз ва ҳар бир турнирда ғолиб чиқишни истаймиз.

Январь ойигача ҳужумчи ва ярим ҳимоячи танлаш имконим деярли йўқ эди. Ҳозир ҳимоячилар билан муаммо бор, бироқ менда танлаш имконияти мавжуд.

Биз мавсумнинг бу қисмига яхши формада бўлишга ҳаракат қилдик, аммо Чемпионлар лигаси ярим финали ва Италия Кубоги финалига етиб келамиз деб ўйламагандик. Жамоада ўз ишини меҳр билан бажарадиганлар етарлича.

Мавсум давомида қулоқни беркитиб, баъзи гаплардан узоқроқ бўлишга тўғри келди" - дейди "Интер" бош мураббийи.

"Нераззурилар" сўнгги 5та ўйинда умумий 15:1 ҳисобида ғалабага эришишди. Улар Чемпионлар лигаси ярим финалида "Милан" билан тўқнаш келишади.

Ҳавола :

Манба : Football Italia

Янгиликларни Телеграмда ўқинг!

Рейтинг: +2