Илҳом Шомуродов: "Насаф гуруҳдан чиқишига кўзим етади"

- "Насаф" энг қийин гуруҳдан жой олди десам ҳам бўлади. Гуруҳимизда жуда кучли жамоалар тўпланишди. Энг хавфли рақиб? "Ал Аҳли" билан ўтган йили ўйнагандик ва уларни қандай кучга эга эканлигидан хабардормиз. "Ал Жайиш" ҳам агарда плей-оффдан ўтса, бизни гуруҳда тушади. Бу жамоа билан ҳам аввал ўйнаб кўрганмиз. Қатар клуби ҳам жуда кучли рақиб саналади. "Ал Айн" жамоаси биз учун топишмоқ. бу жамоа билан ўйнамаганмиз. Аммо барчамиз яхши биламизки, амирликлар жуда кучли футболчиларга эга, анча жиддий рақиб саналади. Гуруҳимиздаги энг хавфли рақиб номини айта олмайман. Шуниси аниқки, гуруҳимизда кучсиз жамоанинг ўзи йўқ. Ўтган йили бизга омад етишмаганди. Тўплар нисбатига кўра гуруҳда қолиб кетгандик. Бу йилги мавсумда вазифани уддалашга ҳаракат қиламиз. Фикримча, жамоамиз гуруҳдан чиқа олади. Бунги кўзим етади. Кейинги ҳафтадан бошлаб янги мавсумга жиддий тайёргарлик кўришни бошлаймиз.