Илҳом Мўминжонов: "Ўз вақтида "Динамо" 4 та ғалабадан сўнг "Лестер"га қиёсланганди"

Ўйин ҳақида

- Суперлига учрашувларида кетма-кет 3 турдаги мағлубиятлардан сўнг бизга ғалаба зарур эди. Бугун ютишимиз шарт эди ва йигитлар кўрсатмасларни тўғри бажарган холда бу вазифани уддалашди. Навбатда "Қизилқум" билан ўйинга тайёргарликка киришамиз. "Динамо" жамоасига келаси ўйинларда омад тилайман.

- "Нефтчи"нинг кубок баҳслари ва Суперлигадаги мақсадлари фарқ қилмайдими?

- Йўқ, бизда раҳбарият ҳар икки мусобақада ҳам юқори мақсадларга асосланган вазифаларни қўйган. Бу ғалабамиз йигитларга чемпионатда ҳам қўшимча куч беради деб ўйлайман. Мавсум стартини яхши бошлагандик, бироқ кейинги 3 турда мағлубиятга учрадик. Йўқотишларга учрадик, етакчи футболчиларимиз турли сабабларга кўра майдонга туша олишмади. Олға интилишда давом этамиз.

- Жамоа етакчиси Лутфулла Тўраевнинг жароҳати режаларингизга жиддий таъсир кўрсатди деб ҳисоблайсизми?

- Йўқ, бизда ҳар бир чизиқни тўлдира оладиган футболчилар бор. Албатта, Лутфулла Тўраев жамоамиз учун муҳим футболчи. Насиб бўлса биринчи давра якунига қадар сафимизга қайтади.

- Кетма-кет 3 та турдаги мағлубият мавсум аввалидаги кучли учлик режасининг ўзгаришига сабаб бўлдими?

- Йўқ, бизда режа ўзгармади. Раҳбарият клубимиз олдига қўйган вазифалар устида ишлашда давом этамиз. Ўз вақтида "Динамо" ҳам кетма-кет 4 та ғалабадан сўнг "Лестер"га қиёсланганди. Бироқ мавсум якунида Про-лигага тушиб кетганди. Ишлашда давом этамиз. Ҳар бир рақибга жиддий тайёргарлик кўрамиз. Насиб бўлса буёғига ғалабаларга эришамиз деб ўйлайман.

- Мағлубиятлардан сўнг жамоа билан қандай жиддий ишлар олиб борилди?

- Жамоада ўзгаришларга қўл урганимиз йўқ. Фақат йигитлардаги руҳият бўйича назарий машғулотларни ўтказдик. Келгуси ўйинларда ҳам ғалабаларга эришимиз мухлисларимизни хурсанд қиламиз деган умиддаман.