Ҳикмат Ҳошимов: “Бухоро”га қарши очиқ футбол ўйнаш хавфли эди”
08 май 2016 18:32
Янгиликлар

Ҳикмат Ҳошимов: “Бухоро”га қарши очиқ футбол ўйнаш хавфли эди”

“Бухоро” — “Металлург” жамоалари учрашувидан сўнг (0-0) меҳмонлар сардори Ҳикмат Ҳошимовнинг фикрлари билан қизиқдик.

- Ўйин жуда шиддатли, мухлислар учун қизиқарли тарзда кечди деб ўйлайман. Тўғри, биз аксарият вақтни ҳимояда ўтказдик. Чунки “Бухоро”дек кучли ижрочилар йиғилган жамоага қарши очиқ ўйин кўрсатиш жуда хавфли эди. Шу боис мураббийларимиз кўрсатмаларига амал қилган ҳолда ҳимояни мустаҳкам ушлаб, қарши ҳужумлардан омадимизни синаб кўрмоқчи эдик. Тўғри ҳимояланишни уддаладик, аммо олдинда ишларимиз у қадар юришмади.

- Ҳикмат Ҳошимов чемпионатимизнинг энг фахрий ўйинчиларидан бири ҳисобланади. Жоиз бўлса, шунча йиллар давомида барқарор ўйнаш, бошқача айтганда ёшлик “элексири” сири нимада?

- Бунинг сири оддий: фақат меҳнат, тинимсиз ҳаракат ва қатъий кун тартибига риоя этишдир,-дейди Ҳошимов

“Бухоро” ПФК матбуот хизмати.

Ҳавола :

Манба : championat.asia

Янгиликларни Телеграмда ўқинг!

Рейтинг: +1