Ҳар бир ўйин учун 1 миллион евро
12 ноя 2017 02:31
Янгиликлар

Ҳар бир ўйин учун 1 миллион евро

Испаниянинг As интернет-нашри айни пайтда жароҳатини тиклаш билан банд бўлган “Реал” ҳужумчиси Бэйл учун қироллик клуби қанча харажат қилганини ҳисоб-китоб қилиб чиқди.

Мадрид клуби уэльслик футболчини 2013 йилда “Тоттенҳэм”дан 100,7 миллион еврога соатиб олганди. Футболчининг ойлик маошлари билан қўшиб ҳисоблаганда Бэйл учун “Реал” шу пайтга қадар 168,6 миллион евро чиқим қилган. Айни пайтга келиб Бэйл “Реал” таркибида 159 та баҳсда майдонга тушган. Шу тариқа, Бэйлнинг майдонга тушган ҳар бир ўйини Испан грандига ўртача 1 060 377 еврога тушмоқда.

Таъкидлаш жоизки, 28 ёшли футболчи бу давр ичида 19 марта жароҳат олган ва майдонга тушган беллашувларнинг 55% вақт миқдорида тўп тепган. Бу давр оралиғида Бэйл уч марат Чемпионлар лигаси, икки марта клублар ўртасида жаҳон чемпионати ва Европа супрекубоги, шунингдек бир мартадан Испания чемпионлиги, кубок ва Суперкубогида ғолиб чиққан.

Ҳавола :

Манба : AS

Янгиликларни Телеграмда ўқинг!

Рейтинг: -19