Ҳамиджон Актамов: “Ғалаба қозона олмаганимиздан афсусдаман”
23 окт 2016 09:06
Янгиликлар

Ҳамиджон Актамов: “Ғалаба қозона олмаганимиздан афсусдаман”

Олий лига 26-туридан жой олган “Қизилқум” — “Бунёдкор” жамоалари баҳсидан сўнг, мезбонлар бош менежери Ҳамиджон Актамов ўйин ҳақида ўз фикрларини билдирди.

—“Бунёдкор” — халқаро майдонда катта тажриба орттирган жамоалардан бири, — дея сўз бошлади Ҳамиджон Ғуломович. — Шунга қарамай, бугунги учрашувга жиддий ҳозирлик кўрдик. Негадир охирги ўйинларда жамоамиздан омад очиқчасига юз ўгирмоқда. Навоийда “Насаф” жамоаси билан кечган учрашувда ҳам охирги дақиқаларда нақд ғалабани қўлдан чиқаргандик. Бугун мухлислар жамоамизнинг икки бўлимда икки хил ўйин намойиш этганига гувоҳ бўлишди. Биринчи бўлимда йигитларимизга бир мунча эҳтиёткор бўлишини тайинлагандик. Улар кўрсатмаларимизни бехато амалга оширишди. Танаффусдан кейин ҳужумкорликни оширдик. Етарлича голли вазиятлар содир этилди. Аммо жамоамизда якуний нуқтани қўядиган футболчи топилмаётганидан ҳайронман. Ўз навбатида бугун рақиб посбони ҳам ўз маҳоратини намойиш этиб, жамоаси жонига оро кирди.

Қисқача айтганда, бугун жамоамиз ўйинидан кўнглим тўлган бўлса-да, натижадан қониқмадим. Ҳаво бир мунча совуқ бўлишига қарамай, футболчиларимизни уюшқоқлик билан қўллаб-қувватлаган мухлисларимизга катта раҳмат! Улар учун бугун ғалаба қозона олмаганимиздан афсусдаман. Аммо олдинда бир биридан муҳим яна тўртта учрашув кутиб турибди. Мақсадимиз ана шу ўйинларда ўз ишқибозларимизни қувонтиришдир.

“Қизилқум” ПФК Матбуот хизмати.

Ҳавола :

Манба : championat.asia

Янгиликларни Телеграмда ўқинг!

Рейтинг: +3