Гюндоган: "Манчестер Сити" ва "Ливерпуль" нафақат Англия, балки бутун Европанинг энг яхши икки жамоаси саналади"

“Ўйиндан ҳафсаламиз пир бўлди. Бир-иккита яхши голли вазиятларни голга айлантира олмадик ҳамда рақибга гол уриш учун имконият тақдим этдик. Салоҳ биринчи имкониятни голга айлантира олмагани бизга асқотганди, лекин у иккинчи имкониятдан фойдаланди.

"Манчестер Сити" ва "Ливерпуль" сўнгги бир неча йил ичида Англиянинг, эҳтимол, бутун Европанинг энг яхши иккита жамоаси саналади. Албатта, бундай рақибларнинг ўйини кескин ва тажовузкор бўлиши керак эди. Қолаверса, трибуналарда жуда кўп мухлислар тўпланишди. Ўйин ажойиб руҳда ўтишини ҳамма биларди. Аммо натижа биз учун салбий бўлди", - деди Гюндоган.