Гётце Евро-2024'да иштирок этмоқчи
11 янв 2023 22:10
Янгиликлар

Гётце Евро-2024'да иштирок этмоқчи

Франкфуртнинг “Айнтрахт” клуби ва Германия терма жамоаси ярим ҳимоячиси Марио Гётце 2024 йилги Европа чемпионатида миллий терма жамоа сафида ўйнашни истаётганини айтди.

“Агар Ханс Флик мени терма жамоага олишга қарор қилса, рози бўламан. Бу катта турнир ва унинг ажойиб ўтишига аминман”, - деди Марио.

Эслатиб ўтамиз, Гётце жаҳон чемпиони ҳисобланади. Марио 2014 йил Бразилияда бўлиб ўтган мундиалнинг Аргентинага қарши финал учрашувида (1:0) ғалаба тўпини киритган эди.

2022 йилги жаҳон чемпионатида 30 ёшли футболчи 2 та ўйинда майдонга тушиб, жами 34 дақиқани майдонда ўтказди. Бироқ Германия турнирдаги иштирокини гуруҳ босқичида якунлади.

Ҳавола :

Манба : Bild

Янгиликларни Телеграмда ўқинг!

Рейтинг: +2