Гвардиола: "Футболчиларнинг нархи жуда тез ошиб бормоқда - бу ақлсизлик"
26 июл 2017 11:04
Янгиликлар

Гвардиола: "Футболчиларнинг нархи жуда тез ошиб бормоқда - бу ақлсизлик"

"Манчестер Сити" бош мураббийи Хосеп Гвардиола футболчиларнинг трансфер бозоридаги нархи ўсиши ҳақида фикр билдирди.

"Бу ақлсизлик. Нархлар жуда тез ўсмоқда. Икки-уй йил аввал бир футболчи 100 млн. туришини тасаввур қилиб бўлмасди. Энди бу реаллик, нархлар эса фақат кўтарилмоқда. Мен камроқ тўлашни истаган бўлардим, бироқ бозор шундай. Нафақат "Сити" - барча клублар катта пуллар сарфлашмоқда. Кўрамиз, бир неча йилдан сўнг нима бўлар экан, аммо бу ҳақда бош қотиришимиз лозим.

МЮ ёки "Барселона"га назар ташланг. Улар ҳам кўп сарфлашмоқда. Ҳаммаси агентлар, клублар ва футболчиларнинг истагига боғлиқ. Абу-Даби шайхлари "Сити" сотиб олганидан кейинги вақт ичида, биз АПЛда кучли учлик учун курашяпмиз. Аммо "Реал" ва "Барселона" билан тенг курашиш учун бизга вақт керак" - дейди Гвардиола.

Ҳавола :

Манба : AS

Янгиликларни Телеграмда ўқинг!

Рейтинг: +8