Гвардиола: "Финалга чиқиш учун энг яхши икки ўйинни ўтказиш керак"
26 апр 2022 00:32
Янгиликлар

Гвардиола: "Финалга чиқиш учун энг яхши икки ўйинни ўтказиш керак"

"Манчестер Сити" бош мураббийи Пеп Гвардиола ЕЧЛ ярим финали доирасида "Реал"га қарши ўйиндан олдинги фикрларини билдирди.

"Биз бу турнирдан бир марта "Реал"ни чиқариб юборганмиз. Босимга бой ўйинлар бўлганди. Ўтган йиллар давомида чорак финалларда чиқиб кетдик. Ҳақиқат шундай: биз сўнгги ўн йиллик давомида ЕЧЛ учун курашяпмиз, гуруҳ босқичидан ўтамиз, ярим финалга келамиз.
Ўзимизга ўхшаб, доимгидек курашишимиз керак. Икки идеал ўйин кўрсатиш орқалигина финалга чиқиш мумкин. "Реал"ни ҳурмат қиламиз, улар жуда ажойиб жамоа. Ушбу жамоага қарши бўлишнинг ўзи катта шараф.
Финалга чиқишни ва мусобақада ғолиб бўлишни истаймиз. "Реал", "Ливерпуль", "Вильярреал" - бирор жамоани пастроққа қўйиб бўлмайди, ҳеч қачон!", - деди Гвардиола.

Ҳавола :

Манба : championat.asia

Янгиликларни Телеграмда ўқинг!

Рейтинг: +15