Гвардиола: “Биринчи голимиз “офсайд”дан урилган бўлса, узр сўрайман”
10 мар 2019 07:37
Янгиликлар

Гвардиола: “Биринчи голимиз “офсайд”дан урилган бўлса, узр сўрайман”

“Манчестер Сити” бш мураббийи Хосеп Гвардиола АПЛ 30-турида “Уотфорд”га (3:1) қарши баҳсда Стерлинг киритган биринчи голга изоҳ берди.

“Агар голимиз “офсайд”дан урилган бўлса, узр сўрайман. Агар бизнинг чемпионатда ҳам VAR тизими қўлланила бошланганида эди, бу каби муаммолар бўлмасди. Бутун жаҳон ушбу тизимдан фойдаланишни бошлаган бир пайтда АПЛ бунга “йўқ” деб жавоб берди. Кейинги мавсумда, ўйлайманки, бу каби муаммолар юзага келмайди ва ҳаммаси адолатли ҳал этилади.

“Манчестер Сити” йил бошида VAR тизимини қўллаш борасидаги таклифга ижобий жавоб берганди. Биз ҳакамларга ёрдам бўлишига рози эдик, аммо бошқа клублар бунга йўқ деб жавоб қайтаришди”, дея Гвардиоланинг сўзларидан иқтибос келтирмоқда Sky Sport.

Ҳавола :

Манба : Sky Sports

Янгиликларни Телеграмда ўқинг!

Рейтинг: +20