Гол ургани ҳамоноқ ўғли томон югурган кекса сардор
05 дек 2018 11:22
Янгиликлар
![](https://championat.asia/upload/storage/465849_original.jpg)
![](/upload/storage/465849_220.jpg)
Гол ургани ҳамоноқ ўғли томон югурган кекса сардор
Европа миллий чемпионатларида ушбу турнинг, дам олиш кунларининг энг таъсирли кадри Италияда юз берди.
"Кьево"нинг 39 ёшли сардори Сержо Пеллисcье "Лацио"га қарши ўйиннинг 25-дақиқасида жамоасини ҳисобда олдинга олиб чиқди. Аммо энг муҳими кейин содир бўлди. 16 йилдан кўпроқ вақтдан буён "Кьево" шарафини ҳимоя қилаётган футболчи, голини нишонлаш, хурсандчилигини баҳам кўриш учун ўғли Маттео томон ошиқди. Болакай шу куни учрашувда тўп олиб берувчи болалар гуруҳида эди.
"У менданда бахтлироқ эди. Жамоам ғалабалари, мухлислар ва албатта ўғлимнинг кўзидаги шу қувонч учун ҳали яна узоқ вақт футбол ўйнамоқчиман", – деди Сержо.
"Мен "Кьево"га 23 ёшимда келдим. Бу муҳаббат. Орадан 16 йил ўтган бўлса ҳам, мен ҳар куни кейинги учрашувда асосий таркибда майдонга тушишимга бўлган ишонч билан машғулотга йўл оламан. Мен ўзимни шунга тайёрлаб бораман, тинмай меҳнат қиламан, асосий таркибдаги ўрин учун ҳар куни курашаман. Клуб президентига доим таъкидлайман – менга янги шартнома таклиф қилишнинг ҳожати йўқ, чунки менинг фамилиям Пеллиссье. Мен – оддий футболчиман. Қолганлардан ортиқ ёки кам эмас".
Нозима Зарипова тайёрлади
Ўхшаш янгиликлар
![AMP Logo](https://championat.asia/image/logo-amp.png)
Фикрлар