Goal: МЮ Алдервейрелд трансфери бўйича келишувга эришди

Goal портали тарқатган хабарга кўра, МЮ белгиялик футболчининг трансфери борасида “Тоттенҳэм” билан келишувга эришган. Келишув суммаси ошкор этилмаяпти, аммо у лондонликларни қониқтиргани аниқ. Алдервейрелднинг лондонликлар билан амалдаги шартномаси 2019 йилнинг ёзида ниҳоясига етади.

Шу билан бирга “шпорлар” аллақачон ҳимоячнинг ўрнини босадиган футболчи излашга тушган. Белгиянинг Het Laatste Nieuws нашри хабарига кўра, Алдервейрелд “Тоттенҳэм”нинг шартномани узайтириш борасидаги таклифини кескин рад этиб, клубни тарк этиш ниятида эканлигини маълум қилганди. Маълумотларга кўра, лондонликлар футболчи учун 65 миллион евро талаб қилишмоқда.