UZ

Сўнгги янгиликлар

00:51Пеп Гвардиола: "Биз ҳали энг юқори даражамизда эмасмиз"  0 00:05Туркия. "Истанбул Башакшеҳир" Шомуродовнинг голи эвазига ғалаба қозонди  16 23:55Ямалнинг соғлиғида яна муаммолар бошланди  3 23:35Эрон. "Истиқлол" ишончли ғалаба қайд этди  0 23:18Верратти Доннарумма ҳақида: "У ҳафа бўлганди"  1 22:50Асрор Алиқулов: "Шўртан"да ким ишламасин ёки клубимизга ким алоқадор бўлмасин ҳамма ғалабани кутаётганди"  0 22:45Суперлига. "Шўртан" – ОКМК 4:3  0 22:28Миржалол Қосимов: "Агар имкониятим бўлганида футболчилар миясига кириб иккинчи таймга нима хаёлда чиқишганини билган бўлардим"  4 22:10Гвардиола Родри ва Холанднинг ҳолати ҳақида маълумот берди  0 21:53Саудия Арабистони. "Ал Ҳилол" ғалаба қозонди  0 21:31"Шўртан" 4 ой деганда ғалабага эришди  2 21:13Нидерландиялик мутахассис "Бунёдкор" футбол академиясига ташриф буюрди  1 20:51БАА. "Бани Яс" дуранг қайд этди, Шукуровдан ассист  2 20:29Суперлига. "Шўртан" голларга бой ўйинда ОКМКни мағлуб этди  44 19:59"Реал" Хаби Алонсо хоҳишига биноан "Энфилд"да жамоавий машғулот ўтказмайди  20

Гильерме Гедеш: "Наманган менга жуда ёқди. Тинч ва яшаш учун қулай шаҳар экан" Янгиликлар

Гильерме Гедеш: "Наманган менга жуда ёқди. Тинч ва яшаш учун қулай шаҳар экан"

Хабарингиз бор, жорий мавсум "Навбаҳор" таркибига бир қатор хорижлик футболчилар қўшилди. Улар орасида бразилиялик 25 ёшли ҳимоячи Гильерме Гедеш ҳам бор.

Суперлиганинг 3-туридан ўрин олган "Навбаҳор" – "Андижон" учрашуви арафасида Гедеш клуб матбуот хизмати учун интервью берди.            

- Гильерме, суҳбатимизни жамоамиз таркибига қўшилишингиз қай тарзда юз берганлиги борасидаги савол билан бошласак. Сизни "Навбаҳор"га ким таклиф этди?

- Агентим менга Бразилиядан ташқарида ўйнаш учун имконият қидираётганди, боиси, муҳитни ўзгартиришни истаётгандим. Кейин "Навбаҳор" варианти пайдо бўлди ва бу менга ёқди. Натижада "Навбаҳор" сафига қўшилдим. 

- "Навбаҳор"га таклиф бўлишидан олдин юртимиз футболи ҳақида таассуротга эгамидингиз?

- Тўғрисини айтсам, Ўзбекистон футболи ҳақида кам маълумотга эга эдим. Жамоангиздан таклиф бўлиши билан мамлакатингиз футболи тўғрисидаги маълумотни кўпроқ ўргандим ҳамда юртингизда футбол ривожланаётганлиги, "Навбаҳор" буюк тарих ва ажойиб мухлисларга эга клуб эканлиги борасидаги маълумотларга эга бўлдим.

- Жамоага мослашиш қийин кечмадими?

- Йўқ, чунки клуб мутасаддилари, мураббийлар штаби ҳамда футболчилар мени жуда илиқ тарзда кутиб олишди. Мен жамоага жуда тез мослашиб кетдим. Бунинг учун улардан миннатдорман.

- "Навбаҳор" таркибида расмий ўйинларда ҳам майдонга тушдингиз. Наманганда сизга нима манзур бўлди? Бу ерда ўзингизни қандай ҳис қиляпсиз?

- Наманган менга жуда ёқди. Жуда тинч ва яшаш учун қулай, яхши шаҳар экан. 

- Жамоадаги қайси футболчилар билан дўстлашишга улгурдингиз?

- "Навбаҳор"даги барча футболчилар билан жуда яхши муносабатдаман.

- Ўзбекистон Суперлигаси учрашувлари сизда қандай таассурот қолдирмоқда?

- Маъқул келган томони – чемпионатнинг рақобатбардошлиги ва осон ўйинларнинг йўқлиги. Суперлигада барча жамоаларнинг имконияти деярли тенг. Бундай чемпионатда ўйнаш эса жуда ёқимли.

- Ўзбек тилида айрим сўзларни гапиряпсиз, тил ўрганишда муаммо бўлмаяптими?

- Ҳали ўзбек тилида равон гапира олмайман, лекин бир нечта сўзларни биламан. Тилингизни ўрганиш менга унчалик муаммо туғдирмаяпти.

- "Навбаҳор" мухлислари ҳақида нима дея оласиз? Ҳар ҳолда расмий ўйинлар ҳамда тақдимот маросимида улар билан учрашдингиз...

- "Навбаҳор"га келишимга клубнинг буюк тарихга эга эканлиги билан биргаликда, ажойиб, фидойи, садоқатли мухлисларга эга эканлиги ҳам туртки бўлди. Буни Наманганга келишимдан олдин ҳис қилганман. Шаҳрингизга келиб, тақдимот маросими ва расмий ўйинларда жамоа мухлислари ҳақиқатан ҳам "Навбаҳор"ни муносиб тарзда қўллаб-қувватлашига гувоҳ бўлдим.

Рейтинг: +7   

Фикрлар

championat.asia
< сўнгги янгиликларни кўриш
Яндекс.Метрика