Гаттузо "Милан" ҳақида: "Клуб ўзидаги бор барча нарсани берди, уни мен барбод қилдим"

"Милан" клубида ҳам футболчи, ҳам мураббий сифатида ажойиб саргузаштни бошдан кечирдим. Жамоадан кўп қарздорман. 

Бош мураббийлик лавозимини тарк этишга қарор қилдим. Чунки айни вақтда бизнинг кетаётган йўлларимиз ажралиб кетди. "Милан" раҳбарияти буюк футболчиларни 18 ой мобайнида шуғуллантиришга имконият яратиб берди. 

Клуб ўзидаги бор барча нарсани берди, уни мен барбод қилдим. Рақобатчиларимиз билан кучли тўртлик учун курашда ютқазиб қўйдик. Натижа бўлмаганда, масъулият ҳар доим мураббий зиммасига тушади.  

Чемпионлар лигасига чиқамизми ёки йўқ, жамоадан кетиш қарори қабул қилиб бўлинганди. "Сампдория" билан ўйингача бир тўхтамга келиб бўлгандим" - дейди Гаттузо.

17 март куни "россонерилар" "Сампдория"га қарши ўйин олдидан азалий рақиби "Интер"га 2:3 ҳисобида мағлуб бўлганди.