"Галатасарой" бугуннинг ўзида Фалькао билан бирга яна уч нафар футболчи билан шартнома имзолади
03 сен 2019 01:55
Янгиликлар

"Галатасарой" бугуннинг ўзида Фалькао билан бирга яна уч нафар футболчи билан шартнома имзолади

«Монако» ҳужумчиси Радамель Фалькао расман "Галатасарой" аъзосига айланди.

У билан келишув 3 йилга мўлжалланган. Фалькаонинг турк клубидаги йиллик маоши эса 5 млн. еврони ташкил қилади.

33 ёшли форвард ўтган мавсум Франция чемпионатида 33 ўйин ўтказиб, 15та гол урди. Колумбиялик ҳужумчи «қизил-оқлар» таркибига 2013 йили «Атлетико»дан келиб қўшилганди. Шу вақт оралиғида у «Манчестер Юнайтед» ҳамда «Челси»да ижарада ўйнашга ҳам улгурди.

Шунингдек, бугун «Галатасарой» ҳужумчи Флорин Андоне («Брайтон» клубидан ўтган), хавбек Тайлан Анталяли («ББ Эрзурумспор») ҳамда ярим ҳимоячи Марио Леминалар («Саутгемптон») билан шартнома имзолагани ҳақида маълум қилди.