Футзал. Рамиз Човдаров: “Ўзбекистон жуда ҳам кучли терма жамоа”

Ушбу баҳсда дуранг натижа қайд этилди (3:3). Ушбу ўйиндан сўнг Озарбойжон терма жамоаси футзалчиси Рамиз Човдаров ўз фикрларини билдирди.

“Назорат учрашувида Ўзбекистон футзал терма жамоаси ҳам, биз ҳам яхши ўйин кўрсатдик. Бу ўртоқлик ўйини, биз бироз хотиржам ҳаракат қилдик. Баҳс давомида биз гол уриб олдинга чиқиб олдик. Лекин ҳимоядаги хатоимиз туфайли голлар ўтказиб юбориб дуранг натижа қайд этдик. Ўзбекистон терма жамоасида бизни дўстларимиз тўп тепишади. Жуда ҳам кучли терма жамоа десам ҳам бўлади. Терма жамоангизга қарши илк назорат учрашувимизни ўтказдик. Рақибимиз эса 6 ёки 7 маротаба ўртоқлик баҳсларини ўтказишди. Биз аосан машғулотларда кўпроқ жисмоний ҳолатга эътибор қаратгандик. Ушбу ўртоқлик ўйини биз учун жуда ҳам оғир ўтди. Жаҳон чемпионатига аъло даражада тайёргарлик кўряпмиз. Насиб қилса ҳаммаси яхши бўлади”, - дейди Рамиз Човдаров.

Жаҳонгир Сотволдиев