Futzal. O'zbekiston chempionati: Chorak final bellashuvlari 4 va 5 mart kunlari bo'lib o'tadi

4 va 5 mart kunlari poytaxtda chempionatning chorak final bahslari bo'lib o'tadi. Chorak final bosqichi o'yinlari pley-off tizimida o'tkaziladi va ikkita g'alabaga erishgan jamoa keyingi bosqich yo'llanmasini qo'lga kiritadi. Aks holda, uchinchi o'yin o'tkaziladi.

Musobaqalar reglamentiga ko'ra, jamoalar chempionatning 1-bosqich 4 turi yakuni bo'yicha egallagan o'rinlariga muvofiq juftliklarga bo'lib chiqilgan (tartib raqamlari: 1-8, 2-7, 3-6, 4-5).

Shunday qilib, joriy mavsum yetakchisi Lokomotivga 8-o'rinni egallagan Paxtakor raqib bo'ldi. Biroq,  Chempionatning ikkinchi jamoasi – Maksam-Chirchiq esa chorak final bosqichida Andijon viloyatining Turon-C jamoasiga qarshi ikkita o'yin o'tkazadi – andijonliklar bundan oldingi bosqichda 7-o'rinni egallashgan.

Tegishli tartibda Kogon Do'stlik-AIN bilan, Bunyodkor esa Ardus bilan ikkitadan o'yin o'tkazadi.

O'zbekiston chempionati
Chorak final (pley-off)
4 mart, seshanba
11:00 Lokomotiv (Toshkent) – Paxtakor (Toshkent)
13:00 Ardus (Toshkent) – Bunyodkor (Toshkent)
15:00 Turon-S (Andijon) – Maksam-Chirchiq (Chirchiq)
17:00 Kogon (Kogon) – Do'stlik-AIN (Qarshi)

5 mart, chorshanba
11:00 Paxtakor (Toshkent) – Lokomotiv (Toshkent)
13:00 Bunyodkor (Toshkent) – Ardus (Toshkent)
15:00 Maksam-Chirchiq (Chirchiq) – Turon-S (Andijon)
17:00 Do'stlik-AIN (Qarshi) – Kogon (Kogon)