Футзал. Клублар ўртасидаги Осиё чемпионатига қуръа ташланди

Унга кўра, Ўзбекистоннинг амалдаги чемпиони "Олмалиқ" "D" гуруҳида "Чонбури Блювейв" (Таиланд) ва "Банк Бейрут" (Ливан) жамоалари билан беллашади.

Мусобақада жами 14та жамоа ғолиблик учун кураш олиб боради. Ҳар бир гуруҳдан биринчи ва иккинчи ўринни банд этган клублар чорак финалга йўл олишади. Турнирда учинчи ўрин учун ҳам ўйин ўтказилади.

Турнирда иштирок этадиган ҳар бир клуб иккитагача легионер хизматидан фойдаланиши мумкин. Бундан ташқари, легионерлардан бири Осиё қитъасидан бўлиши шарт.

Клублар ўртасидаги Осиё чемпионати
"A" гуруҳи

"Таи Сон Нам" (Вьетнам)
"Ал Дафра" (БАА)
"Вик Виперс" (Австралия)
"Ерем" (Қирғизистон)

"B" гуруҳи

"Нафит Ал Васат" (Ироқ)
"Ал Райян" (Қатар)
"Вамос Матарам" (Индонезия)
"Диси Инвест" (Тожикистон)

"C" гуруҳи

"Шрикер Осака" (Япония)
"Санае Гити Пасанд" (Эрон)
"Шенжен Нанлинг Тиеланг" (Хитой)

Футзал бўйича клублар ўртасидаги Осиё чемпионати шу йилнинг 20-30 июль кунлари Вьетнамнинг Хошимин шаҳрида бўлиб ўтади.

Эслатиб ўтамиз, мусобақанинг амалдаги ғолиби Япониянинг "Нагоя Оушенс" жамоаси ҳисобланади.