Футзал. Финал. Иккинчи ўйинда "Олмалиқ" ғалаба қозонди

"Ардус" ва "Олмалиқ" жамоалари бугун ғолиб бўлишини аниқлаб олишади. Кеча бўлиб ўтган баҳсда "Ардус" 3:0 ҳисобида ғалаба қозонган эди.

"Олмалиқ" сардори Константин Свиридов учрашувнинг биринчи дақиқасидаёқ ҳисобни очди - 1:0.

Жавлон Аноров рақибни ортда қолдирган ҳолда чап оёқ билан кучли ва аниқ зарба йўллади - 2:0.

15 дақиқада аввалига Дилшод Раҳматов дастлабки жавоб тўпини киритган бўлса, шу дақиқанинг ўзида Жавлон Аноров орадаги фарқни оширди.

Биринчи бўлим олмалиқликларнинг кичик ҳисобдаги ғалабаси билан якунланди.

Айни пайтда чемпионатда тўпурар бўлиб турган Жамолиддин Шарипов орадаги фарқни иккита тўпга оширди.

Учрашув "Олмалиқ"нинг 5:3 ҳисобидаги ғалабаси билан якунига етди. Жамоалар эртага 18:00 да ҳал қилувчи учинчи ўйинни ўтказишади.

Олий лига, финал
13.05.2016 (2 ўйин)

"Олмалиқ" - "Ардус" 5:3
Голлар: К.Свиридов 1, Ж.Аноров 9, 15, Ж.Шарипов 24, 27 - Д.Раҳматов 15, 35, А.Аминов 16

"Олмалиқ" (биринчи бешлик): Рустам Умаров, Константин Свиридов, Жамолиддин Шарипов, Жавлон Аноров, Андрей Шлема.
Захира: Клим Тюгаев, Сирожиддин Маҳмудов, Ғулом Мамажонов, Хуршид Умаралиев, Мақсуд Файзуллаев, Суннат Куралов, Рустам Тоғаев, Тимур Садиров.

"Ардус" (биринчи бешлик): Николай Кравченко, Артур Юнусов, Дилшод Ирсалиев, Дилшод Раҳматов, Фарҳод Абдумавлонов.
Захира: Равшан Элибоев, Элёр Самадов, Шахзод Бўриев, Даврон Абдураҳмонов, Элдор Ҳошимов, Даврон Чориев, Илҳом Хамроев, Алан Аминов, Нодир Элибоев.