Франция. 1-тур. ПСЖ мавсумни дуранг билан бошлади

Мамлакат чемпиони ПСЖ 1-турда "Монпелье" меҳмони бўлди. Ўйиндаги ҳисобни майдон эгалари очишди. 10-дақиқада Кабелла ажойиб зарба билан Сиригуни ожиз қолдирди - 1:0. Бунга парижликлар фақат бир марта жавоб бера олишди ҳолос. 60-дақиқада Максвелл Златан Ибрагимовичнинг пасидан унумли фойдаланди - 1:1. 72-дақиқадан бошлаб "Монпелье" 10 киши бўлиб ўйнаганиқа қарамай ПСЖ бошқа гол ура олмади. Шундай қилиб чемпион мавсумни сафардаги дуранг билан бошлади. Бу ўйинда ПСЖ сафида Эдинсон Кавани ҳам ўз дебютини нишонлади. 


Монпелье – ПСЖ 1:1 (1:0, 0:1)
9 август, «Моссон»
Голлар: 1:0 – 10 Кабелла, 1:1 – 60 Максвелл (Ибрагимович).
Монпелье – Журдран, Конгре, Илтон, Эль-Каутари, Тьене, Стамбули, Марве, Мунье (Жона Мартен, 56), Кабелла, Камара (Мезаг, 75), Эррера (Монтаньо, 66).
ПСЖ – Сиригу, Жайе, Алекс, Силва, Максвелл, Верратти (Онженда, 76), Матюиди, Лукас (Рабьо, 86), Пасторе, Лавесси (Кавани, 72), Ибрагимович.
Огоҳлантиришлар: Верратти (32), Камара (48), Эль-Каутари (62), Тьене (71), Пасторе (78).
Четлатиш: Эль-Каутари (72).