Фикр қолдириш бўлими ишга туширилди, тартибни сақлаймиз!

Сайтдаги айрим техник имкониятлар мукаммаллаштирилди. Фикр қолдириш хавфсизлик тизими устида иш олиб борилди.

Энди сайтда ҳақорат қилган, футбол мавзусидан четга чиққан. Икки жамоа мухлислари ўртасидаги "сен-мен"ларга чек қўйилади. Ҳеч қандай вазиятда "блок" бўлган ўқувчига "ники"ни тиклаш имконияти берилмайди. Шунинг учун, сизлардан тартибли бўлишингизни илтимос қиламиз.

Уч кун давомида фикрларсиз чиққан хабарлар, мазасини йўқотган таомни эслатиб юборди. Сайт ва сайтнинг ўқувчилари бир жамоа бўлишларини истардик.

Атайин, сайт нуфузини туширишга уринаётган сохта фикр қолдирувчилар ҳам йўқ эмас. Уларнинг найрангларига учмасдан, "арз қилиш" тугмаси орқали бизни хабардор этинг.

Бугун бошланган рамазон ойида, ўқувчилардан иноқлик ва тартибли бўлишларини илтимос қиламиз! Мазкур қоидага доимий амал қилиб, сайтимизнинг файзига файз қўшасиз деган умиддамиз!

Тез кунда Евро-2016 старт олади! Бу мусобақага "CA" жиддий тайёргарлик кўрди ва сизни зериктириб қўймайди деб ўйлаймиз!