Ева Карнейро: "Челси"дан кетганимдан сўнг, деярли бир йил футбол кўра олмадим"
30 сен 2017 12:51
Янгиликлар

Ева Карнейро: "Челси"дан кетганимдан сўнг, деярли бир йил футбол кўра олмадим"

"Челси" собиқ шифокори Ева Карнейронинг маъулм қилишича, у 2015 йил клубдан катта можаро билан кетганидан сўнг қийинчиликларга дуч келганини айтиб берди.

2015/16 мавсумнинг икл турида, "Суонси Сити"га қарши баҳсда (2:2) ўша пайт кўклар устози бўлган Жозе Моуриньо тиббий штаб хизматларидан норози бўлган. Ева "Челси" ярим ҳимоячиси Эден Азарга ёрдам кўрсатиш учун майдонга чиққан пайтда, Моуриньо эътироз билдириб, у ғалаба қозониш учун керак бўладиган вақтни олаётганини айтган. Ўша воқеадан сўнг уни ишдан ҳайдаб юборишган.

"Футболга қайтиш учун таклифларни рад этдим. Тўғрисини айтсам, бир йил футбол ўйинларини кўра олмадим. "Реал" ҳамда "Атлетико" ўртасидаги Чемпионлар лигаси финали ўтган йили мен кўрган ягона баҳс бўлди. Жуда қийналдим. Ҳаммаси тўйим ўтиши керак бўлган санадан олдин юз берди. Аммо ҳаммасидан воз кечишга тўғри келди" - дейди Карнейро.

2016 йилнинг июнида "Челси" Карнейро билан унинг суд иши бўйича келишувга эришганини маълум қилди, ҳамда расман узр сўради.

Ҳавола :

Манба : L'Equipe

Янгиликларни Телеграмда ўқинг!

Рейтинг: +8