Эшитдингизми? Қозоғистон бюджетидан футбол клубларига Ўзбекистондагидан 5 баравар кўп пул ажратилар экан
03 фев 19:05
Янгиликлар

Эшитдингизми? Қозоғистон бюджетидан футбол клубларига Ўзбекистондагидан 5 баравар кўп пул ажратилар экан

Қозоғистонлик депутат Казбек Иса йил давомида мамлакат футболи учун жами 133 миллиард тенге пул сарфланганини маълум қилди. Бу ҳақда Sports.kz хабар берди.

Унинг сўзларига кўра, футбол клубларига жами 133 миллиард тенге ажратилган. Шундан 111 миллиард тенге бюджетдан олинган.

"Қозоғистон бюджетидан шунча пул сарфланган. Бу пуллар қаерга сарфланади? Барчаси легионерларни бойитиш учун кетади. Қозоғистон премьер-лигасининг 374 нафар футболчисидан 150 нафари легионер. Жаҳон чемпионатига тайёргарликка футбол учун бокс, кураш ва оғир атлетикани қўшиб ҳисоблагандан кўпроқ пул ажратилади. Пулларнинг 80 фоизи легионерларга берилади. 30 йил давомида биз биттагина стадион қурдик. Ўзбекистонда футболга биздан 2 баравар камроқ пул ажратилади, лекин улар 10та стадион қуришди", — деди депутат.

Championat.asia изоҳи: Қозоғистон клублари бюджетдан Ўзбекистон клубларидан кўра 5 баравар кўпроқ пул олишар экан. Яъни қўшниларимиз билан таққослаганда футболга анчагина кам маблағ ажратилади, лекин сўнгги йиллардаги ижобий натижаларимиз Қозоғистондан кўра яхшироқ эканини барча кўриб турибди.

Ҳавола :

Манба : championat.asia

Янгиликларни Телеграмда ўқинг!

Рейтинг: +18