EPLmanager: Англия чемпионати еттинчи турининг шарҳи

Ушбу турда кутилмаган натижалар қайд этилди. Манчестер шаҳрининг иккала жамоаси ҳам очко йўқотди, 5 та учрашув дуранг билан якунланди, бешта жамоа гол ура олмади.

Юрген Клопп шогирдлари "Суонси" устидан иродали ғалабага эришди. Мерсисайдлар таркибида Роберто Фирмино энг яхши футболчи (гол+ассистент) бўлди.

Омадсизлик гирдобига тушиб қолган "Вест Хэм" "Мидлсбро"ни қабул қилди ва жамоалар учрашувни 1:1 ҳисобида якунлашди. Дмитри Пайет ва Стуанининг голлари иккала жамоага 1 очкодан тақдим этди.

"Уотфорд" - "Борнмут" (2:2), "Сандерленд" - "Вест Бромвич" (1:1), "Манчестер Юнайтед" - "Сток Сити" (1:1), "Лестер - "Саутгемптон" (0:0) учрашувларида ҳам дуранг қайд этилди.

"Арсенал" бу турда "Бёрнли" меҳмони бўлди. Учрашувдаги ягона гол 90-дақиқада Лоран Косьелни томонидан урилди.

Лондоннинг бошқа гранди "Челси" "Халл Сити"ни меҳмонда таслим этди. Виллиан ва Диего Коста ўз ҳисобига биттадан гол ёздириб қўйди.

Турнинг марказий ўйини "Тоттенхэм" - "Манчестер Сити" учрашуви бўлди. Бу баҳсгача "шаҳарликлар" 6 учрашувда 6 та ғалабага эришган эди. Учрашув бошида Коларов Роузнинг узатмасини ўз дарвозасига буриб қўйди, кейин эса Алли "Тоттенхэм"нинг яна бир голига муаллифлик қилди. "Шпорлар" йирик ҳисобда ғалаба қозониши мумкин эди, аммо Ламела пенальтидан унумли фойдалана олмади.

EPLMANAGERда турнинг энг яхши фойдаланувчилари Barsa9888 (Ўзбекистон) ва Cha (Таиланд) бўлди. Иккала жамоа эгаси 90 очкодан тўплашди.

Айни дамда Galaxy лигада "Real 0620" 213 очко билан етакчилик қилмоқда.

Турнинг энг яхши футболчилари:

1. Laurent Koscielny (ARS) 13 points

2. Hugo Lloris (TOT) 9 points

3. Roberto Firmino (LIV) 9 points

4. Diego Costa (CHE) 9 points

5. Claudio Bravo (MCI) 8 points

Супер сардор сифатида энг кўп танланган 5 футболчи:

1. Zlatan Ibrahimovic

2. Alexis Sánchez

3. Sergio Agüero

4. Philippe Coutinho

5. Diego Costa