Энди ҳаммамиз "бўри"га айланамиз
15 авг 2021 15:34
Янгиликлар

Энди ҳаммамиз "бўри"га айланамиз

Элдор Шомуродовнинг "Рома"га ўтиши Италия А сериясига бўлган қизиқишни янада орттирди.

Шомуродов мавсумолди ўртоқлик учрашувларида ўзини жуда яхши кўрсатяпти ва ўйлаймизки, А серия баҳсларида ҳам голлар уриб, "Рома"нинг ғалабаларига муносиб ҳисса қўшади.

Италияда янги мавсум 21 августдан старт олади. 22 август куни "Рома" ўз майдонида "Фиорентина"ни қабул қилади. Бўлажак мавсумга римликлар Жозе Моуриньо қўл остида қизғин ҳозирлик кўришмоқда.

Бир неча кун олдин Телеграм каналимизга "Италия А сериясининг янги мавсумида қайси жамоага мухлислик қиласиз?" мазмунида сўровнома қўйгандик. Бунда катта устунлик билан "Рома" ютиб чиқди. 72 фоиз мухлис "Рома"ни танлаган бўлса, 12 фоиз иштирокчи "Ювентус" вариантида тўхталган.

"Милан" ишқибозлари 8 фоизни, "Интер" мухлислари эса 4 фоизни ташкил этди. "Лацио" билан "Аталанта" 1 фоиздан овоз тўплади. Шунингдек, 2 фоиз иштирокчи бошқа жамоа вариантини белгилаган.

Кўриниб турибдики, сайтимиз ўқувчиларининг катта қисми бу мавсум Элдор Шомуродов жамоаси "Рома"га мухлислик қилади. Бошқача айтганда, энди ҳаммамиз "бўри"га айланамиз.