Элгужа сочидан воз кечишга ваъда берди

Айни пайтда Суперлигада ўзининг ёрқин ўйинлари билан кўплаб футбол ишқибозларининг меҳридан жой олишга улгурган Григалашвили нафақат майдонда, балки унинг ташқарисида ҳам яхши инсон ва суҳбатдош эканлигига гувоҳи бўлдик.

Элгужа агарда йил якунларига кўра Суперлигада энг яхши футболчи деб топилса, унда грузиялик футболчи сочидан воз кечишга ваъда берди.

Элгужа Григалашвили Суперлигада йил футболчиси бўлган тақдирда сочини таги билан олдириб ташлайди.

"Суперлиганинг энг яхши футболчиси бўлишим жуда қийин иш. Чунки чемпионлик ёки юқори ўринлар учун курашаётган жамоа таркибида ўйнамайман. Бу номинацияда ғолиб чиқиш имконияти чемпионликни қўлга киритадиган ёки кучли жамоаларда ўйнайдиган футболчиларда юқорироқ. Лекин шунга қарамай энг яхши бўлиш учун ҳаракат қилиб кўраман. Энг яхши футболчи бўлишдан кўра тўпурарлар пойгасида қатнашиб кўриш нисбатан осонроқ. Айни пайтда буни уддаласа бўлади", - деди Элгужа Григалашвили.

Элгужа Григалашвили билан қатор мавзуларда суҳбат қурилди. Тез орада ушбу қизиқарли  суҳбатнинг матнли версияси ўқувчиларга тақдим этилади.

Эслатиб ўтамиз, "Қизилқум" легионери Элгужа Григалашвили Суперлига тўпурарлар пойгасида 6та гол билан иккинчи поғонада бормоқда. Элгужа "Пахтакор" ҳужумчиси Исмоил Гонсалвешдан битта кам гол урган.