Эдгар Гесс: "Кейин берилган маблағнинг фойдаси кам бўлади"

- “Металлург”ни ажойиб ғалаба билан табриклайман. Бугун биз ўйиннинг бундай тус олишини асло кутмагандик. “Металлург” бир неча мавсумлардан буён шаклланиб келаётган, мамлакатимизнинг кучли клубларидан бири. Бизда эса афсуски мавсумга пухта тайёрланиш имконияти бўлмади. Таркибимизга назар ташланг, ўтган йилги таркибда кимлар қолган? Икки уч нафар ўйинчини топа оласиз, қолганларнинг бариси янги. Уларнинг эса ўйинини шакллантириб олишимиз учун вақт керак. Асқаралиев, Отахоновларнинг ўрни билинди. Аммо футбол бир икки ўйинчига қараб қолиши мумкин эмас.

Моддий қийинчиликлар халақит бераяпти дейсизми? Ундай эмас. маблағ ўз вақтида берилиши керак. Биз мавсумга тайёрланаётганимизда янги ўйинчиларни харид этишимиз, жамоани шакллантириб олишимиз учун керак эди. Кейин берилган маблағнинг эса фойдаси кам бўлади. Ҳали вақт бор. Иккинчи даврага тайёргарлик кўрамиз. Танаффус пайтида таркибни кучайтириш ҳаракатини қиламиз. Бугунги мағлубиятни тезроқ унутиб, кейинги турларга ҳозирланишимиз зарур. Учрашувни тўлиқ кўриб чиқамиз, камчиликларимизни таҳлил этамиз ва уларни бартараф этиш чораларини ишлаб чиқамиз”.