ЕЧЛ. Ирқчиликка дуч келган “Истанбул” мураббийи ўйин бошидан ҳакамларни ҳақоратлагани маълум бўлди

Баҳс 1-бўлимида захира ҳаками Себастиан Кольцескуннинг меҳмон жамоанинг ёрдамчи мураббийи Пьер Вебога нисбатан “негру” (румин тилидан таржима қилинганда қора маъносини беради) сўзини ишлатгани сабаб катта можаро келиб чиққан. Бош ҳакам Овидиу Хацеган захира ҳакамидан “Истанбул” мураббийлар штабидан кимни четлатиш ҳақида сўраганида у “негру” деб жавоб берган. Шундан сўнг, ўйин тўхтаган. Орадан 10 дақиқа ўтиб “Истанбул” футболчилари кийим алмаштириш хонасига йўл олган ва кейин ПСЖ аъзолари ҳам шу йўлни танлаган.

Журналист Эмануэль Рошанинг манбасига кўра, Вебо учрашувнинг 2-дақиқасида бошлаб ҳакамларни “лўлилар” деб ҳақорат қилган. Қайд етиш жоиз, УЕФA Вебога кўрсатилган қизил карточкани бекор қилди.

Эслатиб ўтамиз, ПСЖ – “Истанбул” ўртасидаги ўйин бугун 22:55 да тўхтатилган вақтидан, аниқроғи, 14-дақиқадан бошлаб давом эттирилади.