Дониёр Исмоилов: "Турон"нинг ёш жамоа сифатида юқори ўринларда юриши катта ютуқ"

 Ушбу учрашувдан сўнг ўз дубли билан жамоасининг ғалабасига ҳисса қўшган Дониёр Исмоиловнинг фикрлари билан қизиқдик.

-  Дастлаб "Динамо" билан кечган ўйинда ҳақида фикрларингиз билан ўртоқлашсангиз. Ўйин давомида иккита ажойиб гол урдингиз ва жамоангизнинг ғалабасига муносиб улуш қўшдингиз...

- Аввало мухлисларга кҳаво совуқ бўлишига қарамасдан келиб қўллаб-қувватлаб туришгани учун катта раҳмат айтмоқчиман. "Динамо" билан ўйинлар ҳар доим қизиқарли кечган. Менимча биз ғалабани рақибдан кўпроқ хоҳладик. Голларимга келсак бунда бутун жамоанинг ҳиссаси бор. Голда фақат мен ҳаракат қилмадим, жамоадошларимга раҳмат айтиб қоламан.

- Сафарда бу жамоа билан баҳсда "Турон" бироз қийналган эди. Кеча эса аксинча эркин ва хотиржам тўп тепди...

- Сафарда ҳеч бир жамоага осон бўлмайди. Кеча эса уйда, мухлисларимиз кўз олдида ҳаракат қилдик. Аввалги учрашувда мағлуб бўлганимиз туфайли бу сафар ғалаба қозонишимиз зарур эди. Клуб раҳбарларини, мухлисларни хурсанд қила олдик.

- Умуман ёш жамоа сифатида шаклланиб бораётгани "Турон"нинг Про лигадаги иштирокини қандай баҳолайсиз?

- Жамоамиз Про лигада яхши иштирок этмоқда. "Турон"нинг ёш жамоа сифатида юқори ўринларда юриши катта ютуқ. Худо хоҳласа омадимиз келса Суперлигада ўйнаймиз. Буни бутун жамоа хоҳламоқда.