UZ

Сўнгги янгиликлар

01:0140 ёшли Фабиански яна "Вест Хэм"га қайтди. Дарвозабон ўтган мавсум охирида клубни тарк этганди  0 00:41Расман: Эриксен эркин агент сифатида "Вольфсбург"га ўтди  0 23:42Рўзиқул Бердиев: "Беш кишилик ҳимояни ёриб ўтишни яхши уддаладик. Элит ОЧЛда муносиб бўлишга ҳаракат қиламиз"  2 22:56"Бавария" бир неча йил аввал 14 ёшли Ямални сотиб олмоқчи бўлган, аммо трансфер суммасини тўлашга журъат этмаган  1 22:21Виктор Карпенко: "Илк гол сабаб биринчи бўлимда тўртта ўтказдик"  6 21:44Анри Франция терма жамоаси ҳақида: "Янги мураббий ким бўлишини барчамиз биламиз"  0 21:20Нойер: "Германия таркибида бошқа ўйнамайман. Бу онгли қарор эди"  4 20:52Суперлига. "Насаф" "Бухоро"ни йирик ҳисобда мағлуб этди  56 19:23Тоуни: "Саудия лигаси мен учун АПЛ билан бир даражада"  7 18:273 ўйинда 2 очко тўплаган Симеоне: "Учинчи ўрин етарли эмас. Чемпион бўлиш вақти келди"  5 17:33“Бу оптимал таркиб эмас. Ҳакам қарорлари тўғри эди, мағлубиятни тан ола билиш ҳам керак" — Санъат Шихов Эрон билан ўйин ҳақида  39 17:18Тожикистоннинг икки терма жамоасида истеъфо юз берди  17 17:07"Ман Сити" ҳужумчиси жароҳат туфайли МЮга қарши ўйинни ўтказиб юборади  1 16:24"Интер" 2025/26 мавсум учун учинчи формани тақдим этди. У "2000-йилларда жамоани яхши кўрганлар ва бугун уни севувчиларга" бағишланган  2 15:49"Барселона" Хасбуллани "Камп Ноу"га таклиф қилди  9

«Динамо» - «Бухоро»: 43-учрашув кимга аталади? Янгиликлар

«Динамо» - «Бухоро»: 43-учрашув кимга аталади?

Теглар :  ДинамоБухоро
Турнинг эътиборли ўйинларидан бири Самарқандда ўтади. Олий Лига стартида яхши таассурот қолдираётган икки жамоа «Динамо» ва «Бухоро» ўзаро баҳсда майдонга тушишади.


ЎЙИН СЕРАЗЕТДИНОВГА ТОПШИРИЛДИ


Олий Лига 6-туридан ўрин олган учрашувларни бошқариб борадиган ҳакамлар рўйхати эълон қилинди. Унга кўра, «Динамо» - «Бухоро» учрашувини бошқариб бориш тошкентлик Виктор Серазетдиновга топширилди. Учрашув назоратчиси Рашид Айтеков.

Олий Лига. 6-тур.
15 апрель (шанба)
«Динамо» (Самарқанд) – «Бухоро» (Бухоро)
Ҳакамлар
: В. Серазетдинов (Тошкент), Ф. Ёрмуҳамедов (Тошкент), Б. Баҳромов (Тошкент), Б. Юльчараев (Гулистон)
Назоратчи: Р. Айтеков (Тошкент).
ЎзПФЛ вакили: В. Леткин.
Учрашув бошланиш вақти: 17:00, «Динамо» стадиони.

ЖОРИЙ МАВСУМДА…

Самарқанд ва Бухоро жамоалари жорий йилги мавсум олдидан ҳам ўзаро назорат учрашувида майдонга тушишганди. Февраль ойида Тошкентда ўтган баҳсда Улуғбек Бақоев шогирдлари жамоамиз устидан 2:1 ҳисобида зафар қучишганди. 6 февраль кунги баҳсда «Динамо»дан Абдумалик Абдуллаев ҳисобни очган бўлса, «Бухоро»дан Иван Нагаев ва Санъат Шиховлар голларни уришганди.

Олий Лиганинг дастлабки 5 турида «Динамо» сингари «Бухоро» ҳам 3 та ғалаба, икки мағлубиятга учраган ҳолда турнир жадвалида голлар нисбатига кўра, 5 ва 7-ўринларни эгаллаб туришибди.

ЎЗАРО УЧРАШУВЛАР

Ўзбекистон миллий чемпионати старт берилган 1992 йилдан буён «Динамо» ва «Бухоро» клублари Олий Лигада шу кунгача 42 бор куч синашишган. Шундан 20 та баҳсда “Бухоро”, 15 учрашувда эса “Динамо”нинг қўли баланд келган. 7 та ўйинда дуранг қайд этилган. Тўплар нисбатида устунлик “Бухоро” томонида: 57:53. “Бухоро” ўзаро ўйинларда 67 очкога эга бўлган, “Динамо” эса 52 очкони қўлга киритган. “Динамо”нинг “Бухоро” устидан қозонган энг йирик ғалабаси 4:1га тенг бўлса, “Бухоро”нинг самарқандликлар устидан эришган энг йирик ғалабаси – 6:0.

Самарқандда бўлиб ўтган 20 та ўйиннинг 11 тасида “Динамо” ғалаба қозонган. Тўртта баҳсда жамоалар дуранг ўйнашган. 5 та учрашувда “Бухоро” уйига ғалаба билан қайтган.

Жамоаларнинг ўзаро сўнгги ўйини 2015 йилнинг 8 август куни ўтказилиб, Самарқанддаги ўша баҳсда Илдар Маматказин ва Феруз Бобоқуловларнинг голлари «Динамо»га ғалаба келтирган эди.

Самарқандда бўлиб ўтган сўнгги беш учрашув:

08.08.2015 «Динамо» - «Бухоро» 2:0
02.11.2014 «Динамо» - «Бухоро» 0:0
11.05.2013 «Динамо» - «Бухоро» 1:0
20.06.2012 «Динамо» - «Бухоро» 0:1
12.03.2011 «Динамо» - «Бухоро» 0:1

ЭСКИ ТАНИШЛАР…


«Динамо» - «Бухоро» учрашуви айни дамда икки жамоада тўп сураётган аксарият ўйинчилар учун алоҳида аҳамиятга эга.

Жумладан, «Динамо»нинг бухоролик ҳужумчиси Сардор Сулаймонов ўтган мавсумда «Бухоро» клуби шарафини ҳимоя қилган. Бироқ, бу баҳсда у собиқ жамоасига қарши ўйнай олмайди. Сабаби Сулаймонов ўтган ўйинда қизил карточка олиб, «Бухоро» ва «Бунёдкор»га қарши ўйинларни ўтказиб юборади.

«Бухоро» таркибидаги мураббий ва аксарият футболчилар ҳам бегона эмас. Хусусан, жамоа мураббийи Улуғбек Бақоев 2010 йилги мавсумда «Динамо» шарафини ҳимоя қилган бўлса, ҳимоячи Артём Филипосян (2015), ҳужумчи Иван Нагаев (2011-2013) ва ярим ҳимоячи Санъат Шиховлар (2013-2014) «Динамо» шарафини муносиб ҳимоя қилишган.

«Динамо» клуби матбуот хизмати.

Рейтинг: +4   

Фикрлар

championat.asia
< сўнгги янгиликларни кўриш
Яндекс.Метрика