Диего Коста келажаги борасида бир қарорга келди

Диего Коста “Атлетико”да шартномаси якунига қадар қолишга қарор қилди. Унинг қарорига жамоа устози Диего Симеоне қарши эмаслигини билдирган.

31 ёшли ҳужумчининг Мадрид клуби билан шартномаси 2021 йил ёзида якунига етади. Аввалроқ Костанинг Бразилия чемпионатига йўл олиши ҳақида хабарлар пайдо бўлганди.

Жорий мавсум ҳужумчи 13 та ўйинда майдонга тушиб, 2 та гол урди. Мавсумнинг кўп қисмини эса жароҳат билан ўтказиб юборишга мажбур бўлди.